THIRD PERSON POV
Lumipas ang tatlong araw na tila payapa sa ibabaw ngunit sa ilalim nito, may mga galaw na marahang hinahabi ang kapahamakan.
Sa isang lihim na hideout sa labas ng lungsod, nakatago sa pagitan ng mga abandonadong gusali at masukal na daan, muling nagkita sina Chi-Chi at Morwen. Ang lugar ay malamlam ang ilaw, may amoy ng alak at mamahaling sigarilyo, at binabantayan ng mga tauhang halatang sanay sa karahasan. Walang bakas ng konsensya sa hangin tanging ambisyon, galit, at pagnanasa na manalo sa kahit anong paraan.
Umupo si Chi-Chi sa dulo ng mahabang mesa, relaxed ang postura, parang isang hari sa sariling kaharian. Ang mga daliri niya’y marahang tumutoktok sa kahoy, may kumpas ng pasensya o ng panganib. Sa kabilang dulo, si Morwen ay nakapamaywang, suot ang mamahaling b
