ISANG mapagpalang umaga ito para kay Carlos. Maaga siyang nagising katulad ng araw-araw niyang gawin ngunit iba ang Linggong ito para sa kanya. Magmula noong napunta siya sa lugar na ito ay hindi pa siya nagsisimba sa parish na nasa likod ng kumbento ng mga madre.
Gusto niyang itaas sa Panginoon ang paghahanap sa anak. Hanggang ngayo’y matyaga siyang naghihintay sa update ni Marijean. Bawat babaeng pumapasok sa bakeshop ni Kye ay talagang minumukhaan niya dahil baka si Aia na ang bumibili sa kanya.
Pero dahil hindi niya naman nasubaybayan ang paglaki ni Aia, napakaimposibleng mahulaan niya iyon. At talagang sa lukso lang siya ng dugo dumidepende hanggang ngayon.
Isinuot niya ang kulay sky blue na polo shirt at rugged jeans. Narinig niya na ang kampana ng simbahan kaya nagmamadali niy
