ALAS DOSE na ng gabi ngunit hindi pa rin makatulog si Amor. Narito siya ngayon sa kanilang hapag-kainan at nakapangalumbaba sa lungkot. Katatapos lang ng ika-anim na taong kaarawan ni Aia at ang mga katirang handa ay nasa lamesa pa.
Problemado ang kanyang mukha dahi sa isang bagay—ang hindi pag-uwi ni Carlos sa kaarawan ng kanyang unica hija. Hindi lang ito ang isang beses na hindi nakauwi ang kanyang asawa sa isang importanteng okasyon kaya kahit na napakalaki ng tiwala siya sa lalaki, hindi niya maiwasang mag-isip ng kung anu-ano.
Hindi man sabihin ng anak sa kanya ngunit ramdam niya ang pagsama ng loob nito lalo na’t mas malapit ang mag-ama kaysa sa kanilang dalawa ni Aia. Pero nitong mga nakaraang buwan, napapansin niya ang pag-iiba ng ugali nito. Medyo naging iritable ang lalaki ka
