HAPON na noong magpaalam si Tristan na uuwi na mula sa bahay ng kanyang mga magulang. Nilubos na ito ag oras dahil paniguradong ilang linggo na naman ang lilipas bago siya muling makabisita roon.
Naupo sa living room si Jessie at nanonood ng telebisyon habang si Nicole naman ay tinatapos ang paglilinis sa kusina. Aakat na sana ang ginang ngunit nang makita niyang mukhang problemado ang asawa ay tinabihan niya ito upang makapagpahinga rin.
“Okay ka lang?” tanong niya.
Tumango si Jessie. “Iniisip ko lang si Tristan. Feeling ko napilitan lang siya kanina sa pinapagawa ko sa kanya dahil tatay niya ako. Nararamdaman kong may gusto pa siyang sabihin kanina pero hinihintay ko lang siyang sabihin iyon kaso hindi niya talaga sinabi,” tugon nito sabay buntong-hininga.
“Nabigla iyon. Kahit na
