"ALAM mo naman siguro ang sinasabi ko, hindi ba?"
Hindi siya unimik at dahan-dahang iniyuko ang ulo.
"Mukha namang nakukuha mo ang sinasabi ko dahil sa pagyuko mo." Huminga nang malalim si Matilde at umayos nang upo.
"H-hindi ko sinasadya."
"Hindi ko kailangan niyan. Kahit ang paghingi mo ng sorry ay hindi ko kailangan, Gaia. Hindi matatakpan ng sorry mo ang nangyari sa akin..."
"Ano bang gusto mong gawin ko?" kalmado at malumanay na tanong niya. Nilakasan niya ang loob na tumingin sa babae at iparamdam ang pagsisisi niya.
"Gusto kong lubayan mo na si James."
"May isang linggo ko na yatang ginawa 'yan."
"Kung hindi mo pa makikitang magkasama sila ni Kellie, hindi mo pa 'yon gagawin, hindi ba?"
Natulala si Gaia. Mukha ngang alam na lahat ni Matilde ang mga pangyayari.
"N-
