NAGING maganda ang daloy ng buhay ni Gaia pagkatapos ng isang buwan. Agad siyang natanggap bilang isang sales lady sa pinuntahan niya noong clothing store sa Sta. Lucia Mall.
Talagang pinursige niyang mag-apply kinabukasan dahil kapag isang linggo pa siyang mate-tengga sa bahay ni Tristan ay baka tamarin na siyang maghanap pa ng ibang trabaho.
Na-challenge siya sa trabahong iyon dahil napakalayo noon sa forte niya na makipag-usap lang sa mga kliyente sa screen ng monitor at mag-type sa keyboard.
Dito, talagang boses at ganda niya ang puhunan niya. Hindi lang pala iyon dahil noong unang dalawang linggo niya ay ramdam na ramdam niya ang labis na panganglay mula balakang hanggang talampakan.
Hindi rin siya sanay sa unipormeng sinusuot ng mga ito dahil iritable siyang magsuot ng palda
