HABANG patuloy sa panunukso ang tatlong kasama ni Lucas ay kinuha niya ang kanyang cellphone dahil napansin niyang ilang beses na siyang tinatawagan ni Tristan. Sinagot niya iyon at lumayo sa mga emplyado.
“Hello, Tristan. Good evening,” paunang bati niya.
“Lucas, I am so sorry to disturb you this late night.” Nabanaag kaagad ng lalaki ang kakaibang tono ng boses ni Tristan. Tila hindi ito mapakali at nanginginig.
“What’s wrong?”
“I just badly need your help to search for Gaia.” Nangunot ang noo niya nang marinig ang pangalan ng babae.
“Bakit?” Napamulsa siya.
“Hindi pa siya umuuwi simula kanina. Maaga siyang pumasok dahil opening siya ngayon sa clothing store pero siguro naman sarado na ang mall ng ganitong oras. Kung mag-o-vertime man siya ay hanggang 7 P.M. lang sana,” pahaya
