“HINDI ko alam na ganyan pala ang kwento nina Dencio at Elijah. Walang nasasabi sa akin si Dencio na ganyan magmula noong magsama kaming dalawa sa Dark Star.” Napabuntong-hininga pa si Gibson dahil sa lungkot na naramdaman para sa dalawa. “Pero paano mo sila nahanap? Napakaraming lugar na pwedeng pagtaguan ng mga iyon lalo na’t hiwa-hiwalay sila?” takang tanong nito.
“Kahit na mayroong updated at upgraded tools and equipment sang Black Moon, hindi naging madali ang pagte-trace sa kanila sa totoo lang pero pasalamat na lang din ako kay Gary kasi dahil sa kanya, natunton ko ang kinaroroonan nina Dencio kasama ang iba niyang kasamahan,” sagot ni Six.
Mas lalong tumindi ang pagkunot ng noo ni Gibson. “Bakit napasok sa usapan si Gary?”
“Kinutuban na ako noon na mangyayari ang mga bagay na
