ILANG linggong pinalipas ni Gaia ang sama niya ng loob sa ginawa ni Marian at naging tikom ang bibig sa insidenteng nangyari. Nagkaroon pa sila ng meeting kasama si Ally na manager nila at humingi ng pasenya sa nangyari.
Ang kinakausap niya na lamang sa araw-araw ay sina Ethan at Kristel na ipinakilala niya kay Tristan noong isang beses na isama niya ang pinsan sa inuman nilang tatlo. Naging palagay ang loob nito sa dalawa niyang katrabaho ngayong nakilala na ni Tristan ang mga ito.
Hindi na rin siya iniimik ni Marian mula noon na siyang ikinababahala niya dahil baka may gawin na naman itong hindi maganda. Napag-alaman niya kay Kristel na iisang bagay lang kung paano napapatalsik ng babae ang mga hindi nito trip na katrabaho—ang pagmumukhaing magnanakaw ang mga ito. Kung hindi cash ang
