“MAUPO ka. Ano’ng pangalan mo?” tanong pa ni Rommie sa kanya.
“Temyong,” aniya.
“Hindi ko alam na may iba pa palang kakilala si Boy. Mag-enjoy lang kayo at sagot ko ang lahat ng iinumin ninyo,”
“Sa totoo lang, may sadya sa iyo ang kaibigan ko kaya siya dumalaw dito sa bar mo,” sabi pa ni Boy bago uminom ng beer. Unti-unti niyang sinenyasan ang mga babaeng naroon na isa-isang umalis sa lounge.
“Ano ‘yon? May maitutulong ba ako?” seryosong sabi pa ng lalaki.
Ngumisi si Temyong at kumuha ng isang bote ng beer sa gilid ng mesa. Binuksan niya ito gamit ang ngipin at dinura ang tansan.
“Pinapunta kasi kami rito ng boss ko para maningil ng utang,” paunang salita niya.
Kumunot ang noo ni Rommie. “Utang? Sino sa mga customer ko ang may pagkakautang sa inyo? Pagpasensyahan n’yo na kasi
