MAAGANG nagising si Carlos dahil sa narinig niyang kanta mula sa katabing kumbento. Ang kantang “Hesus ng Aking Buhay” ang nagiging alarm clock niya araw-araw. Kapag pinapatugtog ng mga madre ang kantang iyon sa umaga ay awtomatikong bumabangon na siya at sinasabayan ng pagdarasal ang kantang iyon.
Hindi siya relihiyosong tao pero kapag naririnig niya ang mga kantang iyon mula sa kapitbahay ay nabubuhayan siya ng loob at nagakaroon ng katiting na pag-asa sa araw-araw na makikita niya si Aia.
Alam niyang suntok sa buwan na maalala siya ng anak dahil ilang taon pa lamang ito noong nahiwalay sa kanya. Dumagdag pa ang pagkawala nito na talaga namang nagpahirap sa kanyang sitwasyon. Kahit na ang five-year old picture lang ni Aia ang dala-dala niya palagi, gagawin niya ang lahat para mahanap
