Ang kaisipang makakapasok ako sa silid niya sa unang pagkakataon ay labis na nagpakaba sa akin. Sa totoo lang madali lang naman ang utos niya. Gagawan lang siya ng kape at ihahatid lang sa kanya ito, tapos! Kaya lang bakit ganito? Pakiramdam ko hindi ito ganoon kadali?
"Ako na lang ho ang gagawa sa utos ni señorito Regon. Itutuloy ko na lang itong ginagawa ko pagkatapos, señorita." Pukaw ni Danah sa atensyon ko. Umakma siya tatanggalin na ang suot na apron pero agad kong inagapan iyon.
"Ah hindi na, Danah.” Tumikhim ako at ginawang normal ang boses ko. “Ako na ang aasikaso sa utos niya. Ituloy mo lang iyang ginagawa mo."
Ilang segundo lang naman siyang nag-isip pero sa huli ay hinayaan na niya ako. Mariin akong napahugot ng hininga nang tumalikod ako para magsimulang gawin ang kape. Hab
