Sa sumunod na araw ay tumigil na ang ulan. Madilim pa rin ang paligid pero unti-unti ko nang nasisilayan ang liwanag mula sa ulap.
Magandang senyales ito. Hindi namin inaasahan na hanggang sa pangalawang araw lang ay huhupa na ang bagyo. Ayon kasi sa balita ay posibleng magtatagal ito ng tatlong pero mabuti na lang ay humina na ito at tuluyang nawala.
"Salamat ho talaga, Manang Desa." Pasasalamat ni Carlos na ngayon ay nagpasya ng umalis.
"Sigurado ka bang hindi mo na hihintayin na mas lumiwanag pa ang paligid?” Parehas kaming nasa labas ni Manang Desa para ihatid siya. Pare-pareho kaming nasa harapan ng sasakyan niya na inayos din kanina dahil hindi agad napagana gawa ng pag-ulan
"Hindi na ho, Manang. Ang sabi naman sa balita ay mas magiging maayos na ang panahon." nakangiti niyang sa
