Nanami Yoshino (Umi Weiya)
Tulad ng inaasahan ko ay agad na humingi ng tulong sa akin ni Katana para ipaliwanag kay Main ang kanyang sitwasyon.
Sinabi niya na mas magiging madali kung ako ang magpapaliwanag dahil ako naman ang parasites na siyang na-stuck sa katawan niya at ako din ang nakakaalam kung anong klaseng parasite naman ang nasa loob ng katawan ni Main.
Maging ang dahilan kung bakit hindi ito nagpaparamdam sa kanya at wala pa ding sign na nakikipag-agawan ito sa kontrol ng katawan ng babaeng ito.
Kaya naman ako na muna ang may kontrol ng kanyang katawan na mukhang napagtanto agad ni Ashen dahil sa pag-iling-iling niya.
“Anong ibig mong sabihin, Katana?” tanong ni Main. “Anong sitwasyon ang sinasabi mong may kinalaman sa sitwasyon ko? May hindi pa ba kayo sinasabi sa akin?”
