Nanami Yoshino (Katana Light)
Alam kong tama naman ang sinabi ni Xhylem. Hindi habang buhay ay maitatago ko kay Main kung ano ang tunay niyang kalagayan.
At tama din siya na mas makakabuti dito na makipagkasundo na lamang siya sa parasites na nasa loob ng katawan niya nang sa gayon ay hindi nito sapilitang kunin ang kontrol sa kanyang katawan.
Katulad ng nangyari sa amin ni Umi.
Pero nagdadalawang-isip pa din ako dahil alam kong kahit parehong parasites si Umi at ang nasa loob ng katawan ni Main ay hindi pa din nangangahulugan na pareho ang kanilang ugali.
Si Umi kasi ay isa nang high level parasites nang ma-stuck sa loob ng katawan ko. Wala na siyang ibang kailangang gawin para lumakas dahil nagawa na niya iyon nang siya lang mag-isa.
Wala din siyang ibang hangarin para sa sarili ni
