Nagpa-deliver ng pizza si Ricky sa apartment. Nang dumating ang pizza ay kaagad nilatag sa lamesita sa salas.
"Blowout?" tanong ni Mike.
"Oo. My treat," wika ni Ricky na nilabas ang juice mula sa ref.
Kumuha ng baso si Jude sa cabinet at binaba sa lamesita. Binuksan ni Mike ang pizza at kumuha ng isa. Kumuha rin ang iba ng tig-iisang hiwa at kinain. Pagkatapos ng ilang minutong pagkukwentuhan, nagpaalam si Jude.
"Aalis na muna po ako," paalam ni Jude na tumayo mula sa pagkakaupo.
"Lalabas ka pa rin?" gulat na tanong ni Niño.
"Kailangan kong silipn ang grupo kong nasa labas," katwiran ni Jude.
"Congrats. Team Leader ka na?" tanong ni Mike.
"May dalawang patrol trainee po silang pinasasanay sa amin ni Kuya Tonton. Kalalabas pa lang ng Academy. Mahusay po sila
