Habang nasa party kami, napansin kong nagmamadaling tumayo si Grace sa upuan niya. Tahimik ko siyang sinundan, sinisiguradong hindi niya mapapansin na nakasunod ako sa kaniya.
Hanggang sa makalayo na kami sa venue. Madilim sa lugar na pinagtigilan ni Grace. Kinuha niya ang cellphone niya at mukhang may tinawagan. Medyo may kalayuan ako sa pwesto niya, pero sakto lang 'yon para marinig ko nang malinaw ang boses niya.
"What happened? Akala ko ngayong gabi niyo gagawin? She's here!" Rinig na rinig ang pag-pa-panic sa boses niya habang paikot-ikot sa pwesto niya. Hindi ko naririnig ang sagot ng kausap niya, pero mukhang hindi maganda 'yon dahil mas lalong sumama ang timpla ng mukha niya.
"Then do something! Malapit na matapos ang party, do it again. I'm sure hindi niya aakalain na gagalaw
