NANG masiguro ni Lavender na maayos na ang kondisyon ni Cassandra ay lumabas na siya ng silid. Mahimbing na itong natutulog sa kama ni Pablo. Hindi na mabakas ang takot sa anyo nito. Pagkasara niya ng pinto ay nakita niyang inaabangan na siya ni Pablo sa labas ng kuwarto. Puno ng hinanakit at tampo na tumingin siya rito.
“Nasaan na ang lalaking iyon?”
“Pinakiusapan ko siyang umalis muna at bumalik na lang bukas. Hindi makabubuti kay Cassandra kung lalo siyang mai-stress. Nagprotesta siya at nagpupumilit na makita ang bata pero nagmatigas ako. Wala na siyang nagawa kundi umalis. Galit na galit siya. He said he was going to sue us. He’s dead serious.”
“I don’t care,” aniya.
Umiling ito. “You were rude, Lavender. Intindihin mo naman `yong kalagayan n’ong tao. Nakumpirma ko na siya nga ang
