LEIRA'S POV
KANINA PA ako pasulyap-sulyap kay Ran na tahimik lang sa tabi ko. Kanina pa niya ako hindi kinikibo pag-alis pa lang namin sa racing event na 'yon. Hindi niya ako kinakausap kaya hindi ko alam kung galit ba siya o ano. Basta isa lang ang alam ko, mainit ang ulo niya dahil hindi niya matanggap na natalo siya ni Mico kanina.
Speaking of... Napapikit ako at napahawak sa pisngi ko...sa pisngi ko kung saan dumampi ang labi ni Mico kanina.
Hanggang ngayon, ramdam ko pa rin ang kakaibang init at kiliting naramdaman ko dahil sa ginawa niya. At gusto kong pagalitan ang sarili ko dahil dampi pa lang ng labi niya, lumalambot na naman ako.
"Kung ayaw mong masaktan na naman, 'wag mo siyang hayaang magkaroon ng pagkakataon."
Mabilis akong napadilat sabay lingon kay Ran nang sa wakas
