"Daddy? Paano po kayo nagkakilala ni mommy ko?" Tanong ni Sabrina kay Levi. Napatingin naman sa akin si Levi na para bang humihingi sa akin ng tulong ngunit nagkibit balikat lang ako saka ko ipinagpatuloy itong niluluto ko sa kusina.
Bumalik nga pala kami rito sa bahay kung saan ako unang dinala ni Levi noon. Nandito daw lahat ang memories namin na magkasama noon kaya dito din daw kami bubuo ng maraming mga anak. Sina nanay naman ay mas piniling sa puerto na lang dahil mas tahimik daw ang buhay nila doon.
"Ganito kasi yan, anak. Alam mo yan si mommy mo. Malaki ang pagkakagusto niyan kay daddy noon. Kaya ayun! Pinikot niya ako--aray!" At hindi ko napigilan na batuhin siya ng plastic ng sandok!
"Bakit mo naman ako binato?" Tanong pa talaga niya. Tawa naman ng tawa si Sabrina sa tabi niy
