Chapter 11
Lily POV
“Lily, alas onse na. Hindi ba may pupuntahan ka pa ngayon?” napatigil ako sa pag-aayos ng mga gulay ng banggitin iyon ni Ate Melba.
“Hindi ko po namalayan ang oras. Sasaglit lang po ako sa dati kong pinapasukan na university para kunin ang mga gamit ko doon. Pagkatapos ay muli po akong babalik dito para tulungan kayo,” sabi ko kay Ate Melba habang tinatanggal ko ang suot kong apron.
“Huwag na Lily, maaaga rin akong uuwi at magsasara dahil masama ang pakiramdam ko,” nakangiti na sabi sa akin ni Ate Melba. Oo nga, noong isang araw ko pa napapansin na laging naubo si Ate Melba at umiinda na hindi maganda ang kanyang pakiramdam.
“Kung gano’n po pala ay bukas na lang po ako aalis para kunin ang mga gamit ko. Umuwi na lang po kayo, nasolo ko na rin naman po ang mga itinu
