Chapter 62
Mabilis na lumipas ang araw at hindi pa rin nagigising si Daisy. Hindi naman umaalis sa kanyang tabi si Lily, kapag wala ang magulang nila ay siya ang nag-aalalaga at nagbabantay dito. Gano'n din si Hunter, hindi niya iniiwanan si Lily kaya naman sa laptop niya na lang ginagawa ang kanyang trabaho na sana ay sa opisina niya ginagawa. Nagpasuyo rin si Hunter kay Uno na magdagdag pa ito ng tauhan upang mabantayan ng maigi si Lily. Maging sa mansyon ng mga Suarez ay nagpalagay si Hunter ng mga bantay upang masiguro na wala na ulit aatake sa kanilang pamilya.
Noong mga ilang araw pa lang na nasa hospital si Daisy ay kumalat sa bansa ang nangyari sa kanilang pamilya, hindi na nagulat si Hunter doon dahil malaki at kilala ang kanilang pamilya kaya naman madami ang nakamasid sa kanil
