Chapter 38
“Mayaman pala kayo pero bakit kinakailangan mong gawin ang bagay na iyon? Sa tingin ko ay walang alam ang pamilya mo na pinasok mo ang ganong trabaho,” hindi nagulat si Lily sa sinabi ni Hunter pero mas nagulat siya na sinundan siya nito sa may garden. Gusto muna kasi niyang mahinga dahil habang nandon siya ay pakiramdam niya ay nalulunod siya at bumibigat ang kanyang hininga.
“Sila lang ang mayaman at hindi ako. Isa pa ay nanghingi ako ng tulong sa kanila noong mga panahon na iyon pero ipinagtabuyan nila ako. Hindi ko naman maaatim na hindi ko tulungan ang mga taong tumulong sa akin gayong sarili kong pamilya ang dahilan kung bakit sila nalugmok. Wala na akong maisip na paraan kundi ayon lang. At kung balak mong ibunyag ang bagay na iyon, ikaw na bahala upang mabawasan naman
