PRINCE EIJI OF ALBANYA
Ngayon na ang alis ng Mahal na Reyna para makapagpagaling, at ayon sa kaniya, sa pagbalik niya ay kokoronahan na si Jas bilang prinsesa sa harap ng publiko.
Alam kong nalulungkot pa rin siya hanggang ngayon dahil sa nangyayari sa kanila ni Tyrone. Pilit niya lang na pinapasaya ang sarili dahil ayaw niyang mag-alala kami sa kaniya.
Ngayon ay kausap namin si Gelo. Magkasama kasi kaming dalawa. Matagal na rin palang alam ni Gelo na siya ang prinsesa, simula nang makipaghiwalay si Tyrone kay Jas.
"Paumanhin, Mahal na Prinsesa, kung hindi ko sinabi agad. Sabi ni Tyrone huwag ko ng sabihin sa 'yo ang bagay na 'to," pormal na sabi niya.
Nakakapanibago tuloy, kahit hindi sa 'kin sinasabi ang mga salitang 'to ay hindi pa rin ako sanay na ganiyan ang pagsasalita niya.
"
