Ngitngit na sinundan ng tingin ni Samantha ang papalayong bulto ni Anton. Kung pwede lang niyang pabaunan ito ng mag-asawang sampal kanina, ginawa na niya. At kahit na gaano kalaki ang ngitngit niya rito, tinanggap pa rin niya ang offer nito. Tutulungan niya ito na makuha ang mayamang ignoranteng babaeng iyon at hindi na niya ibibigay rito ang isang bilyon na ilang taon ding pinag-ipunan niya. Kunsabagay, madali lang naman ang pinapagawa nito. Kung ang dating kaibigan nga niyang si Dria ay nauto at namanipula niya ng ilang taon mula nang maging magkaibigan sila, iyon pa kayang babaeng iyon na mukhang inosente at tatanga-tanga.
Nagtungo si Samantha sa munting hardin sa harapan ng hotel at naghanap ng bench na may kalayuan at tago sa lahat. Nang makakita siya ay agad siyang naupo roon at i
