TAMA nga si Tito Ico, isang mariing pisil lang sa ilong ang gigising kay Alex na maliwanag na ay mahimbing pa rin ang tulog habang nakahilig sa balikat ni Eira.
Hindi niya naintindihan kung ano ang problema nito kaninang madaling araw at mainit ang ulo. Nang mahimbing ang lalaki ay saka naintindihan ni Eira ang bad mood nito—Inaantok lang pala at hindi makatulog sa sahig. Mabilis na nahimbing na ito habang nakahilig sa kanya. Naghahanap lang yata ng ibang posisyon ang katawan nito.
Hindi na siya nagtangkang matulog pa. Pinanood na lang ni Eira ang natutulog na anyo ni Alex sa mahabang oras na lumipas. Natagpuan niya ang sarili na naaaliw sa ginagawang pagmamasid. Nag-enjoy rin siyang pakinggan ang mga tunog na likha ni Alex sa pagtulog, at ang mga munting kilos na ginawa nito. Natuklasan
