NAG-ALANGAN marahil si Daniel na mag-usisa ako tungkol sa kakaibang kilos niya, kaya sa Ortigas na lamang niya kami inihatid ni Gianna.
Ako na lang ang nag-uwi sa aking anak sa Batangas at pasado alas siyete na ng gabi nang bumiyahe ako pabalik.
Ang kaninang emosyong pinipigilan ko habang kasama si Gianna ay kusang lumabas nang mapag-isa ako sa kotse. Nasa kahabaan na ako ng express way at walang patid ang masaganang pagdaloy ng aking luha. Nanlalabo na ang aking mga mata dahil sa pag-iyak, kaya itinigil ko muna ang sasakyan ko sa gilid ng kalsada.
Nagngalit ang aking ngipin dahil sa nararamdaman kong poot at matinding galit para kay Ethan. Naalala ko ang mga paglalambing niya sa nakaraang araw at mapait akong napangiti. Napagtanto ko na lahat ng iyon ay ginawa niya upang hindi ko si
