KABANATA 90
Pagmulat ng mga mata ni Via ay wala sa tabi niya si Russell, tiningnan niya ang digital clock na nasa ibabaw ng maliit na mesa.
‘Alas singko pa lang, ah. Ang aga naming magising ng mokong na iyon.’ Nag-inat siya bago bumaba ng kama at pagkatapos gawin ang kanyang morning rituals ay lumabas na siya ng kuwarto.
Sumuot sa ilong niya ang mabangong amoy ng bawang mula sa kusina kaya doon siya pumunta. Nakita niya si Russell na abala sa pagluluto ng pagkain, naka-boxer shorts lang siya at may suot na apron. Magulo rin ang buhok niya, halatang kagigising lang din nito.
Dahan-dahan siyang lumapit dito at yumakap mula sa likuran nito. Ipinasok niya ang kanyang mga kamay sa loob ng apron at dinama ang matipuno nitong dibdib.
“Via, ingat naman at baka mapaso ka,” sabi
