KABANATA 91
“Hoy, okay ka lang?” tanong ni Via kay Russell nang matapos ang pangatlong klase nila. Simula kasi kaninang dumating ito at si Dyke at napansin na niya ang pananahimik nito.
“He’s not okay,” sagot ni Dyke na sumabat na sa usapan nila.
Napakunot-noo siya at pinag-aralan ang itsura ni Russell saka napabuntong-hininga nang makatunog kung bakit ganoon na lang ang itsura nito.
“Is she here?” tanong niya kay Russell ngunit si Dyke muli ang nagsalita.
“Wait, alam mo ang tungkol kay Molly?” tanong sa kanya ni Dyke.
“Magtatanong ba ako kung hindi?” pilosopo niyang sagot rito.
Napakamot siya ng ulo at tumingin kay Russell. “Mauna na nga ako sa inyo, nasa canteen daw ang grupo, punta na lang kayo doon,” sabi ni Dyke at tuluyan na silang iniwan sa loob ng room.
