KABANATA 58
Hindi nagtagal ay dumating ang mga inorder na pagkain ni Miss Natty at saka inumpisahan ang panonood ng kuwento ng buhay niya.
Tensiyonado siya sa tabi ni Russell at alam niyang ramdam iyon ng katipan.
“Seriously? Ang boring naman ng frontpage!” reklamo agad ni Rosalie.
“Shh. Manood ka na lang,” saway dito ni Wilmar.
Lihim siyang napailing. Ano bang aasahan nito sa buhay niya? Boring naman talaga ang buhay niya noon at napaka-thankful niya at nabago na iyon ngayon. Humilig siya sa balikat ni Russell at kinuha ang kamay nito para i-akbay sa kanya. Lumapit naman lalo sa kanya ang binata at nagawa pang halikan ang gilid ng kanyang ulo bago siya sinubuan ng chips.
Ang unang digi arts na lumitaw ay ang pangyayari sa buhay niya na sumira sa kanya. Iyon ang
