KABANATA 50
Biglang tumigil ang mundo ni Via nang maglapat ang mga labi nila ni Russell, naging abnormal ang pagtibok ng puso niya at ramdam niya na tila nagkaroon ng mga paru-paro ang loob ng tiyan niya na kumikiliti sa kanyang pagkatao.
Nanlalaki ang mga matang lumayo siya rito at walang salitang tinalikuran ito, ngunit parang hindi pa tapos ang binata at hinila pa siya pabalik at hinalikan ulit. Mariin niyang ipininid ang mga labi niya at maging ang mga kamay niya ay nakakuyom ng mahigpit. Ano ba ang dapat niyang gawin para lang tumigil ito? Baka hindi niya kayanin at bumigay ang puso niya sa sobrang bilis nang pagtibok nito.
Natigil lang ito sa paghalik sa kanya nang malakas siyang nasinok, tinakpan niya ang kanyang bibig at mabilis na tumalikod at iniwan ito. Hindi pa rin
