CHAPTER 104
Mabilis akong hinabol ni Rocky sa labas ng hospital. Niyakap niya ako agad habang humahagulgol.
“Kung gagawin mo ‘yan ngayon at ikaw ang mapatay nila, paano ang kapatid mo? Paano matatapos ang kasamaan nila? Hindi ito ang gusto mong paraan ng paghihiganti, Faith. Hindi ka mananalo sa kanila. Mag-isa ka lang, may baril na limitado ang bala.”
“At anong gagawin ko? Hayaan ko silang ubusin kami? Hayaan kong habang tumatangis ang pamilya ko hayon sila at patuloy na magpakasaya?”
“Nangyari na ang nangyari. Nagagalit ka lang at alam mo sa sarili mo na ang taong galit, wala sa tamang pag-iisip. Hindi ka nakakaisip ng tama kaya palipasin mo ang galit mo saka mo sila susugurin sa panahong napaghandaan mo at hindi yung ganito. Maawa ka sa kapatid mong maulila kung sakali.”
Dahan-dah
