"PULOSA?"
"One week, Daisy," sabi ni Ate Ara na nakangiti. "Sa rest house ng Tito ni Zeph tayo tutuloy. Tahimik ang lugar, magugustuhan mo." Isang linggong bakasyon sa Pulosa ang sinasabi ng kapatid. Nakapagpaalam na ito sa mga magulang nila. Kasama nila si Kuya Zeph. Sa ngiti ng ate Ara niya mukhang gustong-gusto nitong pumunta sa binanggit na lugar.
"Ano'ng meron sa lugar?"
"Prayer town ang Pulosa kaya hindi mawawala ang dinadayong simbahan."
"Ano pa, ate?"
"Grotto na may mahigit dalawang daan yatang steps."
"Gusto ko 'yon, challenge ang pag-akyat," ngiti niya. "Pero parang wala ako sa mood magbakasyon..." hindi niya alam kung bakit lagi siyang tinatamad. Wala siyang gana sa lahat. Pati mga gala ng buong section nila ay hindi siya sumama. Mabigat ang pakiramdam ni Daisy. Napapansin
