Ramdam pa din ni Shey ang panginginig ng buong katawan niya habang nananatili pa din nakaupo sa malamig na tiles ng banyo yakap ang magkabilang tuhod. Samo't saring emosyon ang nagsasalimbayan sa dibdib niya ng mga sandaling iyon.
Hinagpis. Lungkot. Takot. Pangamba.
Hinagpis sa maagang pagkawala ng mahal niya sa buhay. Lungkot sapagkat miss na miss na niya ang pamilya niya. Takot at pangamba para kay Lumi.
But she didn't cry.
Matatag siya. Pinatatag siya nang panahon at pagsubok sa buhay, alam ni Shey ang bagay na iyon. Binalot niya ang puso niya ng katatagan para sa sarili at para sa anak niya. Pero ang nangyari kanina ay para bang isang may isang bagay na bumiyak sa katatagan niya na binuo nang maraming taon.
"Ate Shannon.." malungkot na sambit niya habang tinititigan ang nangin
