MATAGAL BAGO AKO NAKABAWI. Nangingnig pa rin ang balikat ko at napapahikbi. Alam kong masyadong namula ang mukha ko dahil sa pag-iyak kaya ibinaon ko ang mukha ko sa mga palad.
Ngayon ay nakaupo kami pabahang upuan. Katabi ko si Eustace at ramdam ko ang paghagod ni Gwen sa likod ko.
Sa harapan naming nakaupo si Mom katabi si Tito Simoun. Nag-uusap silang dalawa na parang walang pagtatraydor na nangyari sa pamilya namin.
Naipikit ko ang mga mata at agad na tumayo. Tumalikod ako sa kanila at nagmamadaling lumabas ng hall. Pero bago ako nakalayo, narinig ko ang boses ni Eusatace, “Ako na, Gwen.”
Siguro ay balak akong sundan ni Gwen pero si Eustace na ang nagpresenta.
Dahil sa likuran ako dumaan, nang nakalabas ako ng building a
