"Sorry po Lola kung ngayon lang po ulit ako nakabisita," wika ko habang pinupunasan ang puntod ni Lola. Napagdesisyunan kasi namin ni Ethan na ipakilala siya kay Lola at matagal na rin simula nung huling makabisita ako kay Lola.
"Kumusta na po kayo? Sana po ay masaya at tahimik na po kayo riyan sa liwanag," nakangiting sabi ko at tumingin kay Ethan at hinila siya patabi sa'kin.
"Ito nga po pala si Ethan 'La, Boyfriend ko po. May bago na po akong kakampi simula po nung nawala kayo,"
"Marami po akong naging kaibigan at marami na po ang nagmamahal sa'kin kaya sana po ay huwag na kayong mag-alala sa'kin," dugtong ko pa.
"Miss na miss ko na po kayo," ramdam kong may luha nang tumakas sa mga mata ko kaya pinunasan ko kaagad iyon. Namimiss ko si Lola dahil siya lang ang kakampi ko pero masay
