"Saan ka nanggaling?" tanong sa kanya ng daddy n'ya pagdating n'ya sa mansiyon nila. Hinalikan niya ito sa pisngi at umupo siya sa silya na malapit sa kinauupuan nito.
"Sa labas?" sagot n'ya sa ama sa patanong na tono.
Dahil sa labas naman talaga s'ya nanggaling.
Umismid ito sa kanya dahilan para mapangiti s'ya. Kapag kasi imiismid ito magkamukha ito at saka ang kuya Ivan niya.
Ngayon n'ya lang din napansin na naroon din pala ang kuya Ivan n'ya at si Evo na tahimik lang habang nagmamasid.
Tinawagan kasi s'ya ng daddy n'ya kanina na kailangan n'ya raw umuwi kaagad dahil may mahalaga raw silang pag-uusapan.
Kaya kahit kadarating lang nila ni Ethan galing sa townhouse nito sa probinsiya ay kaagad s'yang napasugod.
Inaantok na nga rin s'ya dahil sa buong biyahe nila mulat na mulat ang d
