"Ethan, pupunta nga pala ako sa grocery store mamaya, ah," paghingi ni Yna ng permiso sa kanya.
Nakaupo s'ya ngayon sa sofa habang nagbabasa ng magazine.
Nakapagtataka talaga ang mga ikinikilos nito dahil parang ibang tao na ang kasama n'ya sa araw-araw.
Napakasipag rin nitong maglinis.
Minsan kahit kakatapos lang nitong maglaba gusto na ulit nitong maglaba dahil baka raw matambakan na naman ito ng labahin.
Dati ayaw na ayaw nitong mag-grocery pero ngayon ito na mismo ang nagpiprisinta sa kanya.
"Ayon sa balita may paparating daw na bagyo kaya kailangan nating mag-imbak ng maraming pagkain," dagdag pa nito habang pinupunasan ang center table na nasa harapan n'ya.
"Alright, ikaw na ang bahala," tipid n'yang wika rito habang nakangiti.
Ngumiti rin ito pabalik pero napansin n'yang
