Napabalikwas si Yna mula sa pagkakahiga ng maramdaman n'yang may bumuhos ng malamig na tubig sa kanyang mukha.
Halos lumipad ang kaluluwa n'ya dahil sa sobrang gulat.
Nabaling ang atensiyon n'ya babaeng tumatawa sa mga oras na 'yon na walang iba kundi si Carmina.
Hayop talaga ang babaeng 'to kahit kailan!
Masakit pa naman ang ulo n'ya.
Halos araw-araw n'yang nararamdaman na para itong binibiyak kaya gustong-gusto n'ya na lang na humilata.
"What's wrong with you?" nanggagalaiti n'yang tanong dito. "Hayop ka talagang babae ka! Wala ka talagang magawa sa buhay mo, eh. 'no?"
Mukhang may masasaktan yata ngayon, ah!
"Anong ginagawa mo rito sa kuwarto ni Ethan? Anong karapatan mong matulog dito?" tanong nito habang nakapamaywang. "Ang kapal naman ng mukha mo! Ako lang ang may karapatan
