Kahit gabi-gabi naman dumadalaw si Cayden sa bahay nila Jackie ay nararattle pa rin ito na parang high school boy tuwing magkikita sila. Siya naman ay napapangiti lang at natatawa paminsan minsan. Para silang bumalik sa ligawan stage kahit sobrang lagpas na sila sa puntong iyon.
“Hi.”
Dapat ay sanay na si Jackie sa titig na ‘yon ngunit madalas ay napapaiwas na lamang siya ng tingin. Kung hindi lang sana nakakapagpabilis ng kabog ng dibdib ang presensiya ng asawa ay pwede siyang umaktong cool lang buong panahon na magkasama sila. Kahit na isang striped na puting shirt lang at off white na jacket ang suot nito at khaki pants at loafers, mukha pa ring modelo ng runway si Cayden.
“Upo ka muna. Pinaayos ko lang ang lamesa.” Tuwing maaga darating si Cayden ay doon na ito naghah
