Isang boring na araw na naman ito panigurado. Hindi pa nagsisimula unang subject ko ay pagod na pagod na ako. Ano ngayon kung tamad akong mag-aral? At least hindi ako bobo, iyon ang importante.
Pagkatapos kong kainin ang breakfast meal na binili ni Genesis ay kaagad akong nagpunta sa pinakamalapit na ladies washroom. Plano kong matulog sa isa sa mga cubicle doon. Pakialam ko kung Lunes ngayon?
Natigil ako sa paglalakad nang nasa harap na ako ng washroom. Parang may kung anong kumakatok sa isipan ko. May nakalimutan ba ako? Oo, parang nga. Pero wala akong pakialam. Kaya pumasok na ako sa loob ng washroom.
Walang tao nang makapasok ako. Kaya walang makakapagsabi kung saan ako naroroon ngayon. Nagawa ko na rin ito dati. Kaya alam ko na kung ano ang gagawin ngayon.
Mabuti na lang at kahit
