Nang makalayo na kami ay marahas kong hinila ang kamay ko mula sa pagkakahawak niya. Kaya natigil siya sa paglalakad at hinarap ako. Hindi ko alam kung anong nasa isip niya at nasabi niya iyon.
"Hindi ka pa nagtuturo ay baka mapatalsik ka na kaagad," sabi ko sa kanya at umiwas ng tingin. Parang bumubuga kasi ng apoy ang mga mata niya, nakakapaso. "Bawiin mo na lang ang mga sinabi mo sa kanila. Maliit na bagay lang para sa akin ang ma-expel."
"Nag-iisip ka ba talaga!"
Halos mapatalon ako sa paraan ng pagsigaw niya. Mabuti na lang at malapit na kami sa parking lot. Wala masyadong tao at walang nakarinig kung hindi ako lang. Kapag nagkataon ay sikat na naman ako.
Bigla ko na lang naramdaman ang pag-iinit ng mga mata ko. Isa-isang bumalik sa isipan ko ang mga nangyari kani-kanina lang. Kun
