“BAKIT hindi niyo sinabi na bibisita kayo?” bahagyang nakasimangot na sabi ni mommy. “Sana ay nakapaghanda kami ng espesyal na tanghalian.”
“Bigla po kasi kayong na-miss ni Maddie,” sabad ni Jax. “Wala rin naman akong pasok kaya sinamahan ko na rin siya. Hindi naman ako makakapayag na hindi siya samahan.” Ang ngiti ni Jax ay umabot hanggang taenga niya.
“Siyempre, mahal ako ng anak ko,” sambit ni dad. “Ako ang unang-una na nami-miss ng anak ko, ‘di ba?”
“Sus, parang wala kayong ibang anak ah,” ani naman ni Andrew na kakarating lang. “Hi, Ate Maddie, Kuya Jax.” Hinagkan ako ni Andrew sa pisngi samantalang mabilis naman nitong niyakap si Jax.
“Alam niyo naman ang dad niyo, minsan mapapel no?” sabi ni mommy.
Nagtawanan kaming lahat. Iginiya na kami ni mommy sa sala saka kami umupo. Tin
