DAHAN-dahan akong nagmulat ng mata. Puting kisame ang tumambad sa akin. Bahagya lamang ang liwanag sa paligid na nagmumula pa sa di-kalayuan sa kamang hinihigaan. Gaano na kaya ako katagal nakatulog? Bakit nga ba ako nakatulog? Ang alam ko ay aalis na ako kasama sina Maxie at Hiro patungo sa America.
Napabalikwas ako ng bangon. Naalala ko na! Kinuha ni Jax ang anak ko dahil nakiusap akong pakawalan na kami! Ngunit nasaan ako ngayon?
Pababa na ako ng kama nang mapansin kong iba na ang suot ko sa katawan. Isang maluwang na t-shirt at boxer shorts ang suot ko! Oh, my God! Sino ang nagpalit ng damit sa akin?
Parang pamilyar sa akin ang silid kung saan naroon ako. Paano ko ba makakalimutang ang nagsilbing tahanan ko matapos kong magpakasal sa isang De Guia. Sh*t. Malutong akong napamura sa
