“Elisa Marie Brown?” tanong ko sa babaeng nakatingin at nakatulala lang sa amin. Nilalaro niya ang ilang hibla ng kanyang buhok at inuuga ang katawan, paraharap at palikod.
Hindi siya sumagot. Tinignan niya ng maigi ang mga hitsura namin na parang kinikilatis kami. Bawat sulok ng aming kasuotan ay tinitignan niya. Tumayo siya at lumapit sa amin. Inilapit niya ng husto ang mukha niya sa amin at isa-isa niya kaming inamoy. At pagkatapos ay tumalikod siya at bigla na lang tumawa. Inawat naman siya ng nurse at muling pina-upo. Hindi ito maaari. Bakit sa ganitong kalagayan pa namin siya inabutan?
“Hindi nananakit ang pasyenteng iyan,” sabi ng nurse na nag-aalaga sa babae. “Ang nakalagay sa record na pangalan ay Kristine Dela Cruz. Pero lagi niyang sinasabi ang pangalang Elisa Marie. Hindi na
