Carla Anabelle Gracia Gregorio. Kapag naaalala ko ang pangalang ito, ay kinikilabutan ako. Mabuti na lang at pinagbigyan ako ng mag-asawang Gonzales ng pagkakataon na baguhin ang pangalan ko. Grace ang pinili kong pangalan. Dahil bukod sa maikli ay iyon ang itinatawag sa akin nila Trisha. Gusto ko noon na kung sakaling magkausap-usap uli kami, ay hindi na nila kailangang baguhin pa ang tawag nila sa akin.
Ah! Napapadalas ang pag-alaala ko sa mga bagay-bagay. Hindi ko alam kung bakit pero hindi ito ang oras para dito. Kailangan kong makaisip ng paraan para mailigtas ko si Marc. Tumawag na sa akin si Anthony at alam na niya na hindi ko tinuluyan ang asawa ko. Hindi kasi ako nagpadala ng video kagaya ng gusto niya. Ramdam ko ang galit niya kanina habang kausap ako sa cellphone. Mabuti na la
