Hindi ko alam kung bakit ako ang piniling ampunin ng mag-asawang Gonzales. Unang kita ko pa lang sa kanila, alam ko na agad na mabubuting mga tao sila. Walang kasing tamis ang mga ngiti nila. At lagi nilang ipinapakita sa akin iyon, sa tuwing dumadalaw sila sa ampunan. At kahit ako ang pinakatahimik sa lahat ng kandidato para maampon, ay pinili pa rin nila ako. Naaalala ko pa nga na, pinigilan sila ng director ng ampunan na kupkupin ako. Kung bakit? Dahil, hindi naman ako naging mabuting bata sa ampunan. Matapos kasing mamatay ni tatay ay na-depress ako ng husto. Hindi ko nagustuhan ang ideya na paghihiwalayin kaming magkapatid. Pakiramdam ko noon, kailangan na kailangan ako ni Anthony. Kahit na, hindi niya ako iniimik noong bago kami paghiwalayin. Wala kaming nagawa nang dumating ang mga
