Sigurado akong mayroon si Grace ng larawang iyon. Ipinakita niya iyon sa akin noon at sinabi niya na larawan iyon noong nagtapos siya ng highschool. May ikinuwento pa siya sa akin tungkol sa larawang iyon. Hindi niya raw malilimutan iyon dahil iyon ang unang pagkaktaon na naglagay siya ng lipstick. Ayaw pa nga raw niya noon pero pinilit siya ng photographer na mag-lagay man lang kahit manipis. Hindi ko makakalimutan iyon dahil talagang humanga ako sa kagandahan niya sa larawang iyon. Pero anong ibig sabihin nito? Kailangan ko ng sagot. Kailangan kong makasiguro. Kailangan kong makausap si Grace.
Kinuhaan ko ng litrato ang larawan gamit ang cellphone ko. Pagkatapos ay itinago ko ang mga dokumento sa drawer sa ilalim ng lamesa ko at ini-lock ko ‘yon. Ayaw kong may makakita noon hangga’t hi
