Hapon na nang makabalik kami sa headquarters at nasa harapan na ni Captain Ross ang initial autopsy report nang dumating kami sa opisina. Nakalatag na ito sa lamesa at tinitignan niya isa-isa. Agad niya kaming tinawag nang makita niya kami at tinalakay niya sa amin ang laman ng nasabing report. Ayon sa report, tinarakan muna ng potassium cyanide ang biktima, iniligay ito sa isang chamber na puno ng potassium cyanide fumes at pagkatapos ay saka ito sinaksak sa dibdib. Iyon daw ang pagkakasunod-sunod ng paraan ng pagpatay sa biktima. Isang torture ang ginawa sa biktima. Ayon kay Captain Ross ay binigyan din ang mga magulang ng biktima ng kopya ng autopsy report. Siguradong magwawala ang prosecutor na ama ng biktima sa oras na mabasa ang report. At ilang oras lang ang lumipas ay may padabog
