Pagkatapos kumain, nagkuwentuhan lang ang mga oldies tungkol sa mga negosyo. Hindi rin sila nagtagal at kailangan ng umalis bago mag-lunch dahil may mga aasikasuhin pa.
“Mag-iingat ka, anak. Basta dalaw ka sa bahay, ha? Sama mo si Alee para magkaroon naman ng buhay ang bahay,” wika ng daddy niya nang ihatid niya sa kotse. Nakangiti siyang tumango.
Parang noon, ayaw siya nito sa bahay nila pero ngayon, ito pa ang nagkukusang mag-imbita sa kanya.
“Opo, dad. Makakaasa kayo,” sagot niya.
“Sige na, Sam. Aalis na kami. Naghihintay na rin sa akin ang mga pamangkin mo,” wika ni Carol at bumeso sa kanya. Niyakap naman siya ni James at ngumiti lang siya. Nang sumakay ang mga ito sa sasakyan ay kumaway na lang siya hanggang sa makalayo.
“Oh, Sam, aalis na rin kami. May meeting pa ako after lu
